2003માં બુશે શરૂ કરી હતી પરંપરા, ટ્રમ્પે તોડી

અમેરિકાના રાષ્ટ્ર પ્રમુખ ડૉનાલ્ડ ટ્રમ્પે આ વર્ષે વ્હાઈટ હાઉસમાં ઔપચારિક રીતે દિવાળી ઉજવવાની 15 વર્ષ જૂની પરંપરાને તોડી દીધી છે. આવું મીડ ટર્મ ઈલેક્શનના કારણે કરવું પડ્યું છે. જણાવી દઈએ કે, મંગળવારે અમેરિકામાં મધ્યવર્તી ચૂંટણી માટે વોટિંગ થયું હતું અને બુધવારે તેના પરિણામ આવ્યા હતા. વ્હાઈટ હાઉસમાં પૂર્વ રાષ્ટ્રપતિ જ્યોર્જ બુશે 2003માં દિવાળી ઉજવવાની શરૂઆત કરી હતી, જેને બરાક ઓબામાએ પણ જાળવી રાખી હતી.

ગત વર્ષે ટ્રમ્પે કર્યું હતું દીપ પ્રાગટ્ય

આ પરંપરાને જાળવી રાખતા ટ્રમ્પે ગત વર્ષે ઓવલ ઑફિસમાં પારંપારિક દીપપ્રાગટ્ય કરીને તહેવારનું સેલિબ્રેશન કર્યું હતું. આ વર્ષે તે ચૂંટણી પ્રચારમાં વ્યસ્ત છે. વિદેશમંત્રી માઈક પોમ્પિયોએ બુધવારે પોતાની દિવાળીની શુભકામનાઓ જાળવી રાખતા ભારતીય મૂળના અમેરિકન્સના યોગદાનની પ્રશંસા કરી.

વિદેશમંત્રી પોમ્પિયોએ ભારતીયોને શુભેચ્છા પાઠવી

પોતાના સંદેશમાં તેમણે કહ્યું કે, ‘જેવી રીતે લોકો આ તહેવાર મનાવવા માટે ટમટમતી લડીઓ વડે પોતાના ઘરો સજાવી રહ્યાં છે, હું દિવાળીના આ તહેવાર નિમિત્તે અમેરિકામાં અમારા તે મિત્રોની પ્રશંસા કરવા માંગીશ જેમણે રોજબરોજ આ દેશમાં મહત્વપૂર્ણ યોગદાન આપ્યું છે.’

USમાં બદલાયાં સત્તાના સમીકરણ

બુધવારે આવેલા રિઝલ્ટ મિશ્ર રહ્યાં. સેનેટમાં ટ્રમ્પની પાર્ટીને જીત મળી છે જ્યારે હાઉસ ઑફ રિપ્રેઝેન્ટેટિવમાં ડેમોક્રેટ્સને બહુમત મળ્યો. 2016થી અત્યાર સુધી ટ્રમ્પની પાર્ટી બંને સદનમાં બહુમતી ધરાવતી હતી પણ હવે સત્તાના સમીકરણો બદલાઈ ગયા છે.

Go to Source
Author: